DraGIF.com

easy and effective way to share PDF documents

Upload PDF and convert to GIF Gallery How DraGIF.com works Search jazyková verze: CZ

Vsenocne bdenie

Vsenocne bdenie
Address GIF preview for sharing:
https://dragif.com/pdf/aJaf

PDF file size:
395.01 kB


Free PDF file download:Free PDF file download: ./data/pdf/a/Jaf.pdf
Download: Vsenocne_bdenie.pdf



» Free upload new PDF document to DraGIF.com and convert to animation «

Sample PDF documents converted to animated GIF





» Free upload new PDF document to DraGIF.com and convert to animation «





Transcript text content of a PDF document Vsenocne_bdenie.pdf:


USIKNOVÉŇIJE ČESTNÝJA HLAVÝ PRORÓKA

PREDTÉČI I KRESTÍTEĽA IOÁNNA

CHRÁM NARODENIA SV. JÁNA KRSTITEĽA

V ŠAMUDOVCIACH

VSENOČNÉ BDENIE, 28.8.2018

Ášče že jésť vsenóščnoje bďíňije:
Ďiákon: Vostánite! Hóspodi, blahosloví!
Jeréj: Sláva Svjaťíj i Jedinosúščňij, i Životvorjáščej, i Nerazďíľňij Tróici, vsehdá, nýňi i prísno i vo víki
vikóv.
Lík: Amíň.
Priidíte, poklonímsja Carévi nášemu Bóhu.
Priidíte, poklonímsja i pripadém Christú, Carévi nášemu Bóhu.
Priidíte, poklonímsja i pripadém Samomú Christú, Carévi i Bóhu nášemu.
Priidíte, poklonímsja i pripadém k Nemú.

Ášče bďiňije, pojém síji sťichí:
Blahosloví, dušé mojá, Hóspoda. Blahoslovén jesí, Hóspodi.
Hóspodi Bóže mój, vozvelíčilsja jesí ziló. Blahoslovén jesí, Hóspodi.
Vo ispovídaňije, i v veleľípotu obléklsja jesí. Blahoslovén jesí. Hóspodi.
Na horách stánut vódy. Dívna ďilá Tvojá, Hóspodi.
Posreďí hór prójdut vódy. Dívna ďilá Tvojá, Hóspodi.
Vsjá premúdrostiju sotvoríl jesí. Sláva Tí, Hóspodi, sotvorívšemu vsjá.
Sláva, i nyňi: Allilúia, allilúia, allilúia, sláva Tebí, Bóže. 3x.

Posém jeréj ilí ďiákon hlahólet jekteňijú velíkuju:
Jeréj: Mírom Hóspodu pomólimsja.
Lík: Hóspodi, pomíluj.
O svýšňim míri, i spaséňiji dúš nášich, Hóspodu pomólimsja.
Lík: Hóspodi, pomíluj.
O míri vsehó míra, blahostojáňiji svjatých Bóžiich cerkvéj, i sojedinéňiji vsích, Hóspodu pomólimsja.
Lík: Hóspodi, pomíluj.
O svjaťím chrámi sém, i s víroju, blahohovíňijem, i stráchom Bóžiim vchoďáščich vóň, Hóspodu
pomólimsja.
Lík: Hóspodi, pomíluj.
O Blažénňijšem Mitropolíťi nášem (Imjarék), Vysokopreosvjaščénňijšem Archiepískopi nášem
(Imjarék), Preosvjaščénňijšem Jepískopi nášem (Imjarék), čestňím presvíterstvi, vo Chrisťí ďiákonstvi,
o vsém príčťi i ľúdech, Hóspodu pomólimsja.
Lík: Hóspodi, pomíluj.
O straňí nášej, pravíteľich i vóinstvi jejá, Hóspodu pomólimsja.
Lík: Hóspodi, pomíluj.

O hráďi sém (ilí o vesí séj, ilí o svjaťíj obíteli séj), o vsjákom hráďi, straňí, i víroju živúščich v ních,
Hóspodu pomólimsja.
Lík: Hóspodi, pomíluj.
O blahorastvoréňiji vozdúchov, o izobíľiji plodóv zemných, i vrémeňich mírnych, Hóspodu
pomólimsja.
Lík: Hóspodi, pomíluj.
O plávajuščich, putešéstvujuščich, nedúhujuščich, strážduščich, pľinénnych, i o spaséňiji ích,
Hóspodu pomólimsja.
Lík: Hóspodi, pomíluj.
O izbávitisja nám ot vsjákija skórbi, hňíva i núždy, Hóspodu pomólimsja.
Lík: Hóspodi, pomíluj.
Zastupí, spasí, pomíluj i sochraní nás, Bóže, Tvojéju blahodáťiju.
Lík: Hóspodi, pomíluj.
Presvjatúju, Prečístuju, Preblahoslovénnuju, Slávnuju Vladýčicu nášu Bohoródicu, i Prisnoďívu
Maríju, so vsími svjatými pomjanúvše, sámi sebé i drúh drúha, i vés živót náš Christú Bóhu predadím.
Lík: Tebí, Hóspodi.
Vozhlašéňije: Jáko podobájet Tebí vsjákaja sláva, česť i poklonéňije, Otcú, i Sýnu, i Svjatómu
Dúchu, nýňi i prísno, i vo víki vikóv. Lík: Amíň.
Ášče že bďíňije ilí polijeléj, pojém 1. kafízmy 1. antifón:
Blažén múž, íže ne íde na sovít nečestívych: Allilúia, allilúia, allilúia.
Jáko vísť Hospóď púť právednych, i púť nečestívych pohíbnet: Allilúia, allilúia, allilúia.
Rabótajte Hóspodevi so stráchom, i rádujtesja Jemú s trépetom: Allilúia, allilúia, allilúia.
Blažéni vsí naďíjuščiisja Náň: Allilúia, allilúia, allilúia.
Voskresní, Hóspodi, spasí mjá, Bóže mój: Allilúia, allilúia, allilúia.
Hospódne jésť spaséňije, i na ľudéch Tvojích blahoslovéňije Tvojé
Allilúia, allilúia, allilúia.
Sláva: Allilúia, allilúia, allilúia. I nýňi: Allilúia, allilúia, allilúia. Táže tríždy: Allilúia, allilúia, allilúia, sláva
Tebí, Bóže.

Posém jekteňijá málaja:
Jeréj: Páki i páki mírom Hóspodu pomólimsja.
Lík: Hóspodi, pomíluj.
Zastupí, spasí, pomíluj i sochraní nás, Bóže, Tvojéju blahodáťiju.
Lík: Hóspodi, pomíluj.
Presvjatúju, Prečístuju, Preblahoslovénnuju, Slávnuju Vladýčicu nášu Bohoródicu, i Prisnoďívu
Maríju, so vsími svjatými pomjanúvše, sámi sebé i drúh drúha, i vés živót náš Christú Bóhu predadím.
Lík: Tebí, Hóspodi.
Vozhlás: Jáko Tvojá deržáva, i Tvojé jésť Cárstvo, i síla, i sláva, Otcá, i Sýna, i Svjatáho Dúcha,
nýňi i prísno, i vo víki vikóv.
Lík: Amíň.

Psalóm 140 (Hlás 6)
Hóspodi, vozzvách k Tebí, uslýši mjá. Uslýši mjá, Hóspodi. Hóspodi, vozzvách k Tebí, uslýši mjá:
vonmí hlásu moléňija mojehó, vnehdá vozzváti mí k Tebí. Uslýši mjá, Hóspodi.
Da isprávitsja molítva mojá, jáko kadílo pred Tobóju, vozďijáňije rukú mojéju, žértva večérňaja.
Uslýši mjá, Hóspodi.

I po čínu sťichí:
Položí, Hóspodi, chranéňije ustóm mojím, i dvér ohraždéňija o ustnách mojích.
Ne ukloní sérdce mojé v slovesá lukávstvija, nepščeváti viný o hrisích.
S čelovíki ďílajuščimi bezzakóňije, i ne sočtúsja so izbránnymi ich.
Nakážet mja právednik mílostiju, i obličít mjá: jeléj že hríšnaho da ne namástit hlavý mojejá.
Jáko ješčé i molítva mojá vo blahovoléňijich ích, požérty býša pri kámeni sudijí ích.
Uslýšatsja hlahóly mojí, jáko vozmohóša: jáko tólšča zemlí prosídesja na zemlí, rastočíšasja kósti ích
pri áďi.
Jáko k Tebí Hóspodi, Hóspodi, óči mojí, na Ťa upovách, ne otimí dúšu mojú.
Sochraní mja ot síti, júže sostáviša mí, i ot soblázn ďílajuščich bezzakóňije.
Padút vo mréžu svojú hríšnicy: jedín jésm áz, dóndeže prejdú.

Psalóm 141
Hlásom mojím ko Hóspodu vozzvách, hlásom mojím ko Hóspodu pomolíchsja.
Prolijú pred Ním moléňije mojé, pečáľ mojú pred Ním vozviščú.
Vne0hdá isčezáti ot mené dúchu mojemú, i Ty poznál jesí stezí mojá.
Na putí sém, po nemúže choždách, skrýša síť mňí.
Smotrjách odesnúju i vozhľádach, i ne bí znájaj mené.
Pohíbe bíhstvo ot mené, i ňísť vzyskájaj dúšu mojú.
Vozzvách k Tebí, Hóspodi, rích: Ty jesí upováňije mojé, časť mojá jesí na zemlí živých.
Vonmí moléňiju mojemú, jáko smiríchsja ziló: izbávi mja ot hoňáščich mja, jáko ukripíšasja páče mené.

Psalóm 129
Na 8: Íz hlubiný vozzvách k Tebí Hóspodi, Hóspodi, uslýši hlás mój.
Hlás 6: Roždestvú sotvorjájemu, bezstúdnaho Íroda, skvérnyja pľasávicy ispolňášesja složéňije
kľátvy: Predtéčeva bo hlavá otsíkšisja, jáko sňíd nošášesja na bľúďi vozležáščym. Ó píra mérzka,
neprepodóbna ďijáňija, i ubíjstva ispólnena! No mý Krestíteľa, jáko v roždénnych ženámi bóľša,
dostójno čtúšče ublažájem.

Da búdut úši Tvojí, vnémľušči hlásu moléňija mojehó.
Roždestvú sotvorjájemu, bezstúdnaho Íroda, skvérnyja pľasávicy ispolňášesja složéňije kľátvy:
Predtéčeva bo hlavá otsíkšisja, jáko sňíd nošášesja na bľúďi vozležáščym. Ó píra mérzka,
neprepodóbna ďijáňija, i ubíjstva ispólnena! No mý Krestíteľa, jáko v roždénnych ženámi bóľša,
dostójno čtúšče ublažájem.

Na 6: Ášče bezzakóňija názriši Hóspodi, Hóspodi, któ postojít? Jáko u Tebé očiščéňije
jésť.
Pľasá učeníca vselukávaho ďijávola, i hlavú tvojú Predtéče mzdú vzját. Ó píra ispólnena krovéj!
Lúčše bí ne kľátisja Írode bezzakónne, lží vnúče. Ášče li že kľálsja jesí, no ne o dobrí kľálsja:
lúčše bi solhávšu žízň polučíti, néže ístinstvovavšu hlavú Predtéčevu usíknuti. No mý Krestíteľa,
jáko v roždénnych ženámi bóľša, dostójno čtúšče ublažájem.

Ímene rádi Tvojehó poterpích Ťa Hóspodi, poterpí dušá mojá v slóvo Tvojé, upová dušá
mojá na Hóspoda.
Pľasá učeníca vselukávaho ďijávola, i hlavú tvojú Predtéče mzdú vzját. Ó píra ispólnena krovéj!
Lúčše bí ne kľátisja Írode bezzakónne, lží vnúče. Ášče li že kľálsja jesí, no ne o dobrí kľálsja:
lúčše bi solhávšu žízň polučíti, néže ístinstvovavšu hlavú Predtéčevu usíknuti. No mý Krestíteľa,
jáko v roždénnych ženámi bóľša, dostójno čtúšče ublažájem.

Na 4: Ot stráži útrenňija do nóšči, ot stráži útrenňija, da upovájet Izráiľ na Hóspoda.
Ne podobáše tí, ó Írode, preľuboďijáňiju obličíteľa, rádi račéňija satanínska, i razžžéňija
neístovnaho bludá, smérťiju osudíti. Ne podobáše tí tohó vsečestnúju hlavú, prebezzakónňij žeňí,
rádi kľátvy pľasáňija predáti bídňi. Ó káko derznúl jesí takovó ubíjstvo soveršíti! Káko že ne
opalísja skvérnaja pľasávica, posredí píra na bľúďi nosjášči sijú? No mý Krestíteľa, jáko v
roždénnych ženámi bóľša, dostójno čtúšče ublažájem.

Jáko u Hóspoda mílosť, i mnóhoje u Nehó izbavléňije, i Tój izbávit Izráiľa ot vsích
bezzakóňij jehó.
Ne podobáše tí, ó Írode, preľuboďijáňiju obličíteľa, rádi račéňija satanínska, i razžžéňija
neístovnaho bludá, smérťiju osudíti. Ne podobáše tí tohó vsečestnúju hlavú, prebezzakónňij žeňí,
rádi kľátvy pľasáňija predáti bídňi. Ó káko derznúl jesí takovó ubíjstvo soveršíti! Káko že ne
opalísja skvérnaja pľasávica, posredí píra na bľúďi nosjášči sijú? No mý Krestíteľa, jáko v
roždénnych ženámi bóľša, dostójno čtúšče ublažájem.

Psalóm 116
Chvalíte Hóspoda vsí jazýcy, pochvalíte Jehó vsí ľúdije.
Páki Iroďíja bísitsja, páki smuščájetsja. Ó pľasáňija ľstívna i píra s lésťiju! Krestíteľ usikášesja, i Írod
smuščášesja. Molítvami Hóspodi Tvojehó Predtéči, mír podážď dušá nášym.

Jáko utverdísja mílosť Jehó na nás, i ístina Hospódňa prebyvájet vo vík.
Páki Iroďíja bísitsja, páki smuščájetsja. Ó pľasáňija ľstívna i píra s lésťiju! Krestíteľ usikášesja, i Írod
smuščášesja. Molítvami Hóspodi Tvojehó Predtéči, mír podážď dušá nášym.

Sláva, hlás 6: Roždestvú sotvorjájemu, bezstúdnaho Íroda, skvérnyja pľasávicy ispolňášesja složéňije
kľátvy: Predtéčeva bo hlavá otsíkšisja, jáko sňíd nošášesja na bľúďi vozležáščym. Ó píra mérzka,
neprepodóbna ďijáňija, i ubíjstva ispólnena! No mý Krestíteľa, jáko v roždénnych ženámi bóľša,
dostójno čtúšče ublažájem.

I nýni, hlás 6: Któ Tebé ne ublažít, Presvjatája Ďívo? Któ li ne vospojét Tvojehó prečístaho roždestva?
Bezľítno bo ot Otcá vozsijávyj Sýn jedinoródnyj, tójže ot Tebé čístyja prójde, neizrečénno voplóščsja,
jestestvóm Bóh sýj, i jestestvóm býv čelovík nás rádi, ne vo dvóju lícu razďiľájemyj, no vo dvóju jestestvú
neslítno poznavájemyj. Tohó molí Čístaja, Vseblažénnaja, pomílovatisja dušám nášym.

Vchód s kadílom
Jeréj: Premúdrosť, prósti:
Tvoréňije Sofrónia, patriárcha Jerusalímskaho:
Svíte tíchij, svjatýja slávy, Bezsmértnaho Otcá Nebésnaho, Svjatáho Blažénnaho, Iisúse Christé:
prišédše na západ sólnca, víďivše svít večérnij, pojém Otcá, Sýna, i Svjatáho Dúcha, Bóha. Dostójin
jesí vo vsjá vremená pít býti hlásy prepodóbnymi, Sýne Bóžij, živót dajáj: ťímže mír Ťa slávit.
Jeréj: Vónmem. Mír vsím. Premúdrosť, vónmem.

Táže pojém prokímeny sijá:
V subbótu véčera, hlás 6:
Hospóď vocarísja, v ľípotu oblečésja.
Sťích: Oblečésja Hospóď v sílu i prepojásasja.
Sťích: Íbo utverdí vselénnuju, jáže ne podvížitsja.
Sťích: Dómu Tvojemú podobájet svjatýňa, Hóspodi, v dolhotú dníj.
V neďíľu véčera, hlás 8:
Sé nýňi blahoslovíte Hóspoda vsí rabí Hospódni.
Sťích: Stojáščiji vo chrámi Hospódni, vo dvórich dómu Bóha nášeho.
V poneďíľnik véčera, hlás 2:
Hospóď uslýšit mjá, vnehdá vozzváti mí k Nemú.
Sťích: Vnehdá prizváti mí, uslýša mjá Bóh právdy mojejá.
Vo vtórnik véčera, hlás 1:
Mílosť Tvojá, Hóspodi, poženét mjá vsjá dní životá mojehó.
Sťích: Hospóď pasét mjá, i ničtóže mjá lišít, na mísťi zláčňi, támo vselí mjá.

V srédu véčera, hlás 5:
Bóže, vo ímja Tvojé spasí mja, i v síľi Tvojéj sudí mi.
Sťích: Bóže, uslýši molítvu mojú, vnuší hlahóly úst mojích.
V četvertók véčera, hlás 6:
Pómošč mojá ot Hóspoda, sotvóršaho nébo i zémľu.
Sťích: Vozvedóch óči mojí v hóry, otňúduže priídet pómošč mojá.
V pjatók véčera, hlás 7:
Bóže, Zastúpnik mój jesí Tý, i mílosť Tvojá predvarít mja.
Sťích: Izmí mja ot vráh mojích Bóže, i ot vostajúščich na mja izbávi mja.

Proróčestva Isáiina čtéňije. (Hlavý 40, 41, 45, 48).
Táko hlahólet Hospóď: Uťišájte, uťišájte ľúdi mojá, hlahólet Bóh: Svjaščénnicy hlahólite v sérdcy
Jerusalímu, umolíte jehó, jáko umnóžisja smiréňije jehó. Razrišísja bo hrích jehó, jáko priját iz rukí
Hospódni suhúba sohrišéňija svojá. Hlás vopijúščaho v pustýni, uhotóvajte púť Hospódeň, právy tvoríte
stezí Bóhu nášemu. Na hóru vysokú vzýdi, blahovistvúj Siónu, vozvyšáj kríposťiju hlás svój,
blahovistvújaj Jerusalímu. Voznesíte, ne bójtesja: Áz Hospóď Bóh. Áz uslýšu ubóhich Izráilev, i ne
ostávľu ťích. No otvérzu ot hór ríki, i posreďí póľa istóčniki: sotvorjú pustýňu v lúh, i žážduščuju zémľu
vo istóčniki vodnýja. Da vozveselítsja nébo svýše, i óblacy da kropját právdu: da vozsijájet zemľá, i da
prozjábnet mílosť, i právda dá vozsijájet vkúpi. Hlás veséľija vozvistíte, i uslýšano da búdet, vozvistíte
dáže do konéc zemlí. Hlahólite, jáko izbávi Hospóď rabá svojehó Iákova: i ášče vžáždut v pustýni, istočít
im vódu iz kámene. Vozveselísja neplódy neraždájuščaja, rastórhni i vozopíj neboľívšaja: jáko mnóha
čáda pustýja páče, néželi imúščija múža.

Proróčestva Malachíina čtéňije. (Hlavá 2).
Táko hlahólet Hospóď Vsederžíteľ: Sé Áz posyláju Ánhela Mojehó pred licém tvojím, íže uhotóvit púť
tvój pred tobóju, i priídet vo chrám Svój Hospóď, Jehóže vý íščete. I któ sterpít déň vchóda Jehó?
Zanéže Tomú prijtí jáko óhň v horníľi, i jákože býľije perúščich: i očístit pojadája i očiščája, jáko srebró
i zláto. I priídet k vám sudóm, i búdet sviďíteľ skór na lukávyja, i na preľuboďíjcy, i na klenúščyjasja
ímenem Mojím vo lžú, i na lišájuščyja mzdý najémnika, i na nasíľstvujuščyja vdovícy, i pchájuščyja
síryja, i na ukloňájuščyja súd prišéľca, i na ne bojáščyjasja Jehó, hlahólet Hospóď Vsederžíteľ. Zané Áz
Hospóď Bóh váš, i ne izmiňú Sebé: i vý sýnove Iákovľi, uklonístesja ot Zakóna i ne sochraníste. Sehó
rádi obratítesja ko Mňí, i obraščúsja k vám, hlahólet Hospóď Vsederžíteľ: i ublažát vás vsí jazýcy. I
razumíjte, jáko Áz Hospóď, smotrjájaj posreďí právednaho, i posreďí bezzakónika v déň ón, vóňže
sotvorjú snabďíňije ľúbjaščym Mjá. Poznájte úbo, i pomjaníte Zakón Mojséov rabá Mojehó, jákože
zapovída vám v Chorívi, ko vsemú Izráiľu poveľíňije i opravdáňije. I sé Áz posľú vám Iľijú Thesvíťanina,
préžde dáže ne prijtí dňú Hospódňu velíkomu prosviščénnomu, íže naprávit sérdce otcá k sýnu, i sérdce
čelovíka ko ískrennemu svojemú, da ne prišéd poražú zémľu vskóri, hlahólet Hospóď Vsederžíteľ, Bóh
Svjatýj Izráilev.

Premúdrosti Solomóni čtéňije. (Hlavý 4 i 5).
Právednik ášče postíhnet skončátisja, v pokóji búdet. Osúdit že právednik umirájaj, živúščyja
nečestívyja: úzrjat bo končínu právednaho i ne razumíjut, čtó soviščáša o ném. Jáko povéržet Hospóď
nečestívyja bezhlásny níc, i pokoléblet ích ot osnováňij, i do posľídňaho isčéznut v boľízni, i pámjať ích
pohíbnet. Priídut bo v pomyšléňije sohrišéňij svojích užásni, i obličít ích soprotív bezzakóňija ích. Tohdá
stánet v derznovéňiji mnózi právednik pred licém oskorbívšich jehó, i otmetájuščich trudý jehó. Víďivše
že jehó smjatútsja stráchom mnóhim, i užásnutsja o preslávnom spaséňiji jehó. Rekút bo v sebí
kájuščesja, i v ťisnoťí dúcha vozdóchnut, i rekút: Séj bí, jehóže imíchom ňíkohda v posmích, i v prítču
ponošéňija bezúmňiji, žiťijé jehó vminíchom neístovo, i končínu jehó bezčéstnu. Káko vminísja v syňích
Bóžijich, i vo svjatých žrébij jehó jésť? Úbo zabludíchom ot putí ístinnaho, i právdy svít ne oblistá nám,
i sólnce ne vozsijá nám. Bezzakónnych ispólnichomsja stéz, i pohíbeli, i chodíchom stezí neprochódny,
putí že Hospódňa ne razumíchom.

Jekteňijá suhúbaja:
Jeréj: Rcém vsí ot vsejá duší, i ot vsehó pomyšléňija nášeho rcém.
Lík: Hóspodi, pomíluj.
Hóspodi Vsederžíteľu, Bóže otéc nášich, mólim Ti sja, uslýši i pomíluj.
Lík: Hóspodi, pomíluj.
Pomíluj nás Bóže, po velícij mílosti Tvojéj, mólim Ti sja, uslýši i pomíluj.
Lík: Hóspodi, pomíluj 3x.
Ješčé mólimsja o Blažénňijšem Mitropolíťi nášem (Imjarék), Vysokopreosvjaščénňijšem
Archiepískopi nášem (Imjarék), Preosvjaščénňijšem Jepískopi nášem (Imjarék), i vséj vo Chrisťí bráťiji
nášej.
Lík: Hóspodi, pomíluj 3x.
Ješčé mólimsja o straňí nášej, pravítelech i vóinstvi jejá.
Lík: Hóspodi, pomíluj 3x.
Ješčé mólimsja o blažénnych i prisnopámjatnych sozdátelech svjatáho chráma sehó (ášče vo
obíteli: svjatýja obíteli sejá), i o vsích preždepočívšich otcích i brátijach, zďi ležáščich i povsjúdu,
pravoslávnych.
Lík: Hóspodi, pomíluj 3x.
Ješčé mólimsja o mílosti, žízni, míri, zdráviji, spaséňiji, posiščéňiji, proščéňiji i ostavléňiji hrichóv
rabóv Bóžiich bráťiji svjatáho chráma sehó (áščé vo obíteli: svjatýja obíteli sejá).
Lík: Hóspodi, pomíluj 3x.
Ješčé mólimsja o plodonosjáščich i dobroďíjuščich vo svjaťím i vsečestňím chrámi sém,
truždájuščichsja, pojúščich i predstojáščich ľúdech, ožidájuščich ot Tebé velíkija i bohátyja mílosti. Lík:
Hóspodi, pomíluj 3x. Vozhlašájet svjaščénnik:
Jáko Mílostiv i Čelovikoľúbec Bóh jesí, i Tebí slávu vozsylájem Otcú, i Sýnu, i Svjatómu Dúchu, nýňi
i prísno, i vo víki vikóv.
Lík: Amiň.
Táže čtéc hlahólet:
Spodóbi, Hóspodi, v véčer séj bez hrichá sochranítisja nám. Blahoslovén jesí, Hóspodi Bóže otéc
nášich, i chváľno, i proslávleno ímja Tvojé vo víki, amíň.
Búdi, Hóspodi, mílosť Tvojá na nás, jákože upováchom na Ťa. Blahoslovén jesí Hóspodi, naučí mjá
opravdáňijem Tvojím. Blahoslovén jesí, Vladýko, vrazumí mjá opravdáňijem Tvojím. Blahoslovén jesí,
Svjatýj, prosvití mjá opravdáňiji Tvojími.
Hóspodi, milosť Tvojá vo vík, ďíl rukú Tvojéju ne prézri. Tebí podobájet chvalá, Tebí podobájet
píňije, Tebí sláva podobájet, Otcú, i Sýnu, i Svjatómu Dúchu, nýňi, i prísno, i vo víki vikóv, amíň.

Posém jeréj jekteňijú prosíteľnuju:
Jeréj: Ispólnim večérňuju molítvu nášu Hóspodevi.
Lík: Hóspodi, pomíluj.
Zastupí, spasí, pomíluj i sochraní nás, Bóže, Tvojéju blahodáťiju.
Lík: Hóspodi, pomíluj.
Véčera vsehó soveršénna, svjáta, mírna i bezhríšna u Hóspoda prósim.
Lík: Podáj, Hóspodi.
Ánhela mírna, vírna nastávnika, chraníteľa dúš i ťilés nášich, u Hóspoda prósim.
Lík: Podáj, Hóspodi.
Proščéňija i ostavléňija hrichóv i prehrišénij nášich, u Hóspoda prósim.
Lík: Podáj, Hóspodi.
Dóbrych i poléznych dušám nášym i míra mírovi, u Hóspoda prósim.
Lík: Podáj, Hóspodi.
Próčeje vrémja životá nášeho v míri i pokajáňiji skončáti, u Hóspoda prósim.
Lík: Podáj, Hóspodi.
Chrisťijánskija končíny životá nášeho, bezboľíznenny, nepostýdny, mírny, i dóbraho otvíta na
strášňim sudíšči Christóvi, prósim.
Lík: Podáj, Hóspodi.
Presvjatúju, Prečístuju, Preblahoslovénnuju, Slávnuju Vladýčicu nášu Bohoródicu, i Prisnoďívu
Maríju, so vsími svjatými pomjanúvše, sámi sebé, i drúh drúha, i vés živót náš Christú Bóhu predadím.
Lík: Tebí, Hóspodi. I svjaščénnik vozhlašájet:
Jáko Bláh i Čelovikoľúbec Bóh jesí, i Tebí slávu vozsylájem, Otcú, i Sýnu, i Svjatómu Dúchu, nýňi i
prísno, i vo víki vikóv.
Lík: Amíň.
Mír vsím.
Lík: I dúchovi tvojemú.
Hlavý náša Hóspodevi priklónim.
Lík: Tebí, Hóspodi.
Jeréj čtét molítvu: Hóspodi Bóže náš:
I vozhlás: Búdi deržáva Cárstvija Tvojehó blahoslovéna i preproslávlená, Otcá, i Sýna i Svjatáho
Dúcha, nýňi i prísno, i vo víki vikóv.
Lík: Amíň.

Na liťíji sťichíry samohlásny, hlás 1:
Čtó ťá narečém Proróče? Ánhela li? Apóstola li? Ilí Múčenika? Ánhela, zané jáko bezplóten požíl jesí.
Apóstola, jáko naučíl jesí jazýki. Múčenika že, jáko tvojá hlavá za Christá usičésja. Jehóže molí,
pomílovati dúšy nášja.

Otsíčenňij hlaví Predtéčevi pámjať soveršájem: tohdá úbo na bľúďi istočájušči króv, nýňi že v koncích
prolivájušči isciléňija.

Dnés neprepodobnoďiloobráznaja máti ubíjstva, jéže ot bezzakónnaho spletéňija svojehó, vseskvérnuju
dščér, nad vsích prorók bohoizjáščna bóľšaho, ubijstvennoobráznym sovítom lukávstvova:
vraždébnomu bo Írodu tvorjášču pír svojehó skvérnaho roždestvá, s kľátvoju isprosíti istróji, čudotóčnuju
bohopropovídnika čestnúju hlavú: jéže i soverší prebezúmnyj, žénskomu pľasáňiju dáv tu vozmézďije,
kľátvennyj dár. Obáče ne prestá tajínnik Christóva prišéstvija, bohomérzkoje smišéňije ích, i po končíni
obličáti, no obličája vopijáše: Ne podobájet tí, hlahóľa, preľuboďíjstvovati bráta tvojehó Filíppa ženú. O
roždéňija prorokoubíjstvenna, i krovéj napólnena píra! Mý že blahočestnomúdrenňi, vo usiknovéňiji
Predtéčevi, biloobrazújušče prázdnujem, jáko vo blahonaróčityj déň rádujuščesja, i umólim sehó
blahosérdstvovati Tróicu, ot strastéj bezčésťija izbáviti nás, i spastí dušý nášja.

Hlás 4: Roždéňije nepodóbno, i pír bezstudňíjšij Írod soveršíl jésť: ľuboďíjstvom bo žénskim uslaždájem,
nečestívym ženoneístovstvom podstrikájem, otsičé hlavú Predtéčevu: no ne otsičé jazýka proróčeska,
obličájuščaho bezúmija jehó. Proľijá króv nepovínnu, pokrýti choťá hrích bezzakónen: no ni o sém skrý
hlása, vopijúščaho vsím pokajáňije. Ón úbo sveseľášesja ubíjstvom: mý že sprázdnujem ľubóviju,
Krestíteľa Ioánna blažénnoje zakoléňije. Predvarí bo vo áďi Žízň, propovídati súščym vo ťmí i síni
smértňij siďáščym, svýše Vostók Christá Bóha nášeho, Jedínaho Mnohomílostivaho.

Proróka i Múčenika, i Krestíteľa Spásova, priidíte ľúďije voschválim: séj bo vo plóti ánhel sýj, Íroda
izobličíl jésť, prebezzakónnaho ľuboďijáňija soďíjaňijem osudív jehó. I bezzakónnaho rádi pľasáňija,
čestnája hlavá otsikájetsja, súščym vo áďi blahovistvújaj iz mértvych Voskreséňije: i molítsja priľížno
Hóspodevi, spastísja dušám nášym.

Proróka i Múčenika, i Krestíteľa Spásova, prijidíte ľúďije voschválim: jáko bíhaja v pustýni vodvorjášesja,
méd dívij i akrídy jadýj, carjá bezzakónnujušča obličíl jésť: náše že malodúšije uťišáše, hlahóľa:
Pokájtesja, priblíži bo sjá Cárstvo Nebésnoje.

Sláva: hlás 5: Bezzakónnaho ďijáňija obličéňija ubižáti Írod umýsliv, hlavú tvojú Predtéče, bezzakónňij
žeňí predadé pákostno: ne razumí bo okajánnyj obličája sebé, na bľúďi obnosjá jú. No jáko čistotý
ďíteľnyj učíteľ, i pokajáňija nastávnik spasíteľnyj, molísja Krestíteľu Christóv, ot strastéj bezčésťija
izbáviti nás.

I nýňi: hlás tójže: Vospójte ľúďije, Mátere Bóha nášeho, vospójte: dnés bo vsesvítluju dúšu Svojú v
prečístyja dláni, íže iz Nejá Voplóščšahosja bez símene, predajét: Jehóže i mólit neprestánno, darováti
vselénňij mír i véľiju mílosť.

Po sťichírach jeréj čtét jekteňijú ľiťíjnuju:
Spasí, Bóže, ľúdi Tvojá i blahosloví dostojáňije Tvojé, posití mír Tvój mílostiju i ščedrótami, vozvýsi
róh chrisťiján pravoslávnych, i nizposlí na ný mílosti Tvojá bohátyja: molítvami Vseprečístyja Vladýčicy
nášeja Bohoródicy i Prisnoďívy Maríji: síloju Čestnáho i Životvorjáščaho Krestá: predstáteľstvy čestných
nebésnych síl bezplótnych: čestnáho slávnaho proróka, Predtéči i Krestíteľa Ioánna: svjatých slávnych
i vsechváľnych apóstol: íže vo svjatých otéc nášich i vselénskich velíkich učítelej i svjatítelej, Vasíľija
Velíkaho, Hrihórija Bohoslóva i Ioánna Zlatoústaho, íže vo svjatých otcá nášeho Nikolája, archiepískopa
Mirlikíjskaho, čudotvórca: svjatých ravnoapóstoľnych Mefóďija i Kirílla, učítelej slovénskich, svjatáho
ravnoapóstoľnaho kňazja Rostislava Morávskaho, svjatáho múčenika i kňazjá čéskaho Vjačesláva i
svjatój múčenici kňahíni Ľudmily, svjatých i prepodóbnych otéc nášich, Ivana, pustínnika čéskaho i
Prokópija Sazávskaho, svjatáho novomúčenika Gorázda, jepískopa čéskaho i moravskoslézskaho,
svjatáho ravnoapóstoľnaho kňazja Vladímira, iže vo svjatých otéc nášich vsejá Rossíji čudotvórcev:
Michaíla, Petrá, Alexíja, Ióny i Filípa: svjatých slávnych i dobropobídnych múčenikov, prepodóbnych i
bohonósnych otéc nášich Antóňija i Feodósija i próčich čudotvórcev Pečérskich, svjatých i právednych
Bohootéc Ioakíma i Ánny: (svjatáho, imjarék, jehóže jésť chrám i jehóže jésť déň), i vsích svjatých:
mólim Ťa, Mnohomílostive Hóspodi, uslýši nás hríšnych, moľáščichsja Tebí, i pomíluj nás. Lík:
Hóspodi, pomíluj 40x.
Ješčé mólimsja o svjaťíjšich patriársich pravoslávnych, Blaženňíjšem Mitropolíťi (Imjarék),
Vysokopreosvjaščénňijšem Archiepískopi nášem (Imjarék), Preosvjaščénňijšem Jepískopi (Imjarék),
(ášče že vo obíteli, i o archimadríťi, imjarék), i o vsém vo Chrisťí brátstvi nášem, i o vsjákoj duší
chrisťijánsťij, skorbjáščej že i ozlóblenňij, mílosti Bóžija i pómošči trébujuščej: o pokrovéňiji hráda sehó
i živúščich v ném, (ilí, vési sejá i živúščich v néj: ilí, svjatýja obíteli sejá i živúščich v néj), o míri i
sostojáňiji vsehó míra: o blahostojáňiji svjatých Bóžiich cerkvéj: o spaséňiji i pómošči so tščáňijem i
stráchom Bóžiim truždájuščichsja i služáščich otéc i brátij nášich: o ostávľšichsja i vo otšéstviji súščich:
o isciléňiji v némoščech ležáščich: o uspéňiji, oslábi, blažénňij pámjati i o ostavléňiji hrichóv vsích
preždeotšédšich otéc i brátij nášich, zďi ležáščich i povsjúdu, pravoslávnych: o izbavléňiji pľinénnych, i
o brátijach nášich vo slúžbach súščich, i o vsích služáščich i služívšich vo svjaťím chrámi sém (ášče vo
obíteli: vo svjaťíj obíteli séj), rcém.
Lík: Hóspodi, pomíluj 50x.
Ješčé mólimsja o straňí nášej, o pravítelech i vóinstvi jejá.
Lík: Hóspodi, pomíluj 3x.
Ješčé mólimsja, o jéže sochranítisja hrádu semú (ilí, vési séj), i svjatómu chrámu semú (ášče vo
obíteli: svjaťíj obíteli séj), i vsjákomu hrádu i straňí ot hláda, hubíteľstva, trúsa, potópa, ohňá, mečá,
našéstvija inopleménnikov, i meždousóbnyja bráni: o jéže Mílostivu i Blahouvítlivu býti Blahómu i
Čelovikoľubívomu Bóhu nášemu, otvratíti vsjákij hňiv na ný dvížimyj, i izbáviti ný ot naležáščaho i
právednaho Svojehó preščéňija, i pomílovati ný.
Lík: Hóspodi, pomíluj 3x.
Ješčé mólimsja, i o jéže uslýšati Hóspodu Bóhu hlás moléňija nás hríšnych, i pomílovati nás.
Lík: Hóspodi, pomíluj 3x.
Uslýši ný, Bóže, Spasíteľu náš, upováňije vsích koncév zemlí, i súščich v móri daléče: i Mílostiv,
Mílostiv búdi Vladýko o hrisích nášich, i pomíluj ný. Mílostiv bo i Čelovikoľúbec Bóh jesí, i Tebí slávu
vozsylájem Otcú, i Sýnu, i Svjatómu Dúchu, nýňi i prísno, i vo víki vikóv.
Lík: Amíň.
Mír vsím.
Lík: I dúchovi tvojemú.
Hlavý náša Hóspodevi priklónim. Lík: Tebí, Hóspodi. I vsím priklónšym hlavý, mólitsja svjaščénnik
velehlásno:
Vladýko Mnohomílostive, Hóspodi Iisúse Christé Bóže náš, molítvami Vseprečístyja Vladýčicy
nášeja Bohoródicy i Prisnoďívy Maríji, síloju Čestnáho i Životvorjáščaho Krestá, predstáteľstvy čestných
nebésnych síl bezplótnych, čestnáho slávnaho proróka, Predtéči i Krestíteľa Ioánna, svjatých slávnych
i vsechváľnych apóstol, svjatých slávnych i dobropobídnych múčenikov, prepodóbnych i bohonósnych
otéc nášich, íže vo svjatých otéc nášich i vselénskich velíkich učítelej i svjatítelej, Vasíľija Velíkaho,
Hrihórija Bohoslóva i Ioánna Zlatoústaho, íže vo svjatých otcá nášeho Nikolája, archiepískopa
Mirlikíjskaho, čudotvórca: svjatých ravnoapóstoľnych Mefóďija i Kirílla, učítelej slovénskich: svjatáho
ravnoapóstoľnaho velíkaho kňázja Rostislava Morávskaho, svjatáho múčenika i kňazja čéskaho
Vjačesláva i svjatoj múčenici kňahini Ludmily, svjatých i prepodóbnych otéc nášich, Ivana, pustínnika
čéskaho i Prokópija Sazávskaho, svjatáho novomúčenika Gorázda, jepískopa čéskaho i moravsko-
slézskaho, svjatáho ravnoapóstoľnaho kňazja Vladímira, iže vo svjatých otéc nášich vsejá Rossíji
čudotvórcev: Michaíla, Petrá, Alexíja, Ióny i Filípa: svjatých slávnych i dobropobídnych múčenikov,
prepodóbnych i bohonósnych otéc nášich Antóňija i Feodósija i próčich čudotvórcev Pečérskich,
svjatých i právednych Bohootéc Ioakíma i Ánny: (svjatáho, imjarék, jehóže jésť chrám i jehóže jésť déň),
i vsích svjatých: blahoprijátnu sotvorí molítvu nášu, dáruj nám ostavléňije prehrišénij nášich, pokrýj nás
króvom krilú Tvojéju, otžení ot nás vsjákaho vrahá i supostáta: umirí nášu žízň, Hóspodi, pomíluj nás, i
mír Tvój: i spasí dúšy nášja, jáko Bláh i Čelovikoľúbec.
Lík: Amíň.

Na sťichóvnach sťichíry, samohlásny, hlás 2:
Pokajáňija propovídniče Ioánne Krestíteľu, otsíčeňi bývšej tvojéj hlaví, zémľu osvjatíl jesí, zané Zakón
Božíj vírnym ujasníl jesí, i bezzakóňije potrebíl jesí. Jáko predstojá prestólu Nebésnaho Carjá Christá,
Tohó molí, pomílovati dúšy nášja.

Sťích: Právednik jáko fíniks procvitét, i jáko kédr, íže v Ľiváňi, umnóžitsja.
Zakóna rádi Hospódňa, vo hlavú usiknovén býl jesí, ó vsesvjatýj Ioánne! Obličíl jesí carjá zločestíva
bezzakónnovavša derznovéňijem neporóčnym. Ťímže divjátsja tebí vójinstva ánheľskaja, slávjat ťá lícy
apóstol i múčenik. Čtím tvojú i mý ľítňuju pámjať vseslávne, slávjašče Svjatúju Tróicu, tebé vinčávšuju,
Predtéče blažénne.

Sťích: Vozveselítsja právednik o Hóspodi, i upovájet na Nehó.
Íže ot proróka Prorók, i bóľij prorókov býv, iz čréva máterňa osvjaščénnyj v služéňije Hospódne, dnés
ot bezzakónna carjá v hlavú usiknovén býsť: i bezčéstno pľasávšuju otrokovícu, jásno i préžde
usiknovéňija i po usiknovéňiji obličív, posramí hrichá pólk. I sehó rádi vozopijém: Krestíteľu Ioánne, jáko
imíja derznovéňije, priľížno molísja o dušách nášich.

Sláva: hlás 8: Predtéče Spásov, tý carjá izobličíl jesí bezzakóňija ne ďílati. Ťímže ihráňije
bezzakónnyja žený, povinú Íroda otsiščí tvojú hlavú: i sehó rádi ot vostók sólnca dáže do západ, chváľno
ímja tvojé. Derznovéňije imíja ko Hóspodu priľížno molí spastísja dušám nášym.

I nýňi: hlás 8: Beznevístnaja Ďívo, jáže Bóha neizrečénno začénši plóťiju, Máti Bóha Výšňaho,
Tvojích rabóv móľby priimí Vseneporóčnaja, vsím podajúšči očiščéňije prehrišéňij: nýňi náša moléňija
prijémľušči, molí spastísja vsím nám.

Po sťichírach že ábije molítva sv. Simeóna Bohopriímca:
Nýňi otpuščáješi rabá Tvojehó, Vladýko, po hlahólu Tvojemú, s mírom: jáko víďista óči mojí
spaséňije Tvojé, jéže jesí uhotóval pred licém vsích ľudéj, svít vo otkrovéňije jazýkov, i slávu ľudéj
Tvojích Izráiľa.
Posém: Trisvjatóje, po Ótče náš: Jeréj: Jáko Tvojé jésť Cárstvo:
Lík: Amíň.

Tropár, hlás 2: Pámjať právednaho s pochvalámi, Tebí že dovľíjet sviďíteľstvo Hospódne, Predtéče:
pokazál bo sjá jesí voístinnu i prorókov čestňíjšij, jáko i v strujách krestíti spodóbilsja jesí
Propovídannaho. Ťímže za ístinu postradáv rádujasja, blahovistíl jesí i súščym vo áďi Bóha, jávľšahosja
Plótiju, vzémľuščaho hrích míra, i podajúščaho nám véliju mílosť.

Ášče že s bďíňijem, po troparích blahoslovéňije chľíbov, pšenícy, viná i jeléja. V neďíľu na bďíňiji, ášče
ňísť velíkoho svjatáho, pojétsja vo hlas 4:
Bohoródice Ďívo, rádujsja, Blahodátnaja Maríje, Hospóď s Tobóju: blahoslovéna Tý v ženách, i
blahoslovén plod čréva Tvojehó, jáko Spása rodilá jesí dúš nášich. 3x.
Jeréj: Hóspodu pomólimsja.
Lík: Hóspodi, pomíluj.
Jeréj čtét molítvu osvjaščéňija: Hóspodi Iisúse Christé Bóže náš:
Lík: Amíň.
Búdi ímja Hospódne blahoslovénno ot nýňi i do víka. 3x.

I psalóm 33
Blahoslovľú Hóspoda na vsjákoje vrémja, výnu chvalá Jehó vo usťích mojích.
O Hóspoďi pochválitsja dušá mojá, da uslýšat krótcyji i vozveseľátsja.
Vozvelíčite Hóspoda so mnóju, i voznesém ímja Jehó vkúpi.
Vzyskách Hóspoda, i uslýša mja, i ot vsích skorbéj mojích izbávi mjá.
Pristupíte k Nemú, i prosvitítesja, i líca váša ne postyďátsja.
Séj níščij vozzvá, i Hospóď uslýša í, i ot vsích skorbéj jehó spasé í.
Opolčítsja ánhel Hospódeň ókrest bojáščichsja Jehó, i izbávit ích.
Vkusíte i vídite, jáko bláh Hospóď: blažén múž, íže upovájet Náň.
Bójtesja Hóspoda vsí svjatíji Jehó: jáko ňísť lišéňija bojáščimsja Jehó.
Bohátiji obniščáša i vzalkáša, vzyskájuščii že Hóspoda ne lišátsja vsjákaho bláha.
Jeréj: Blahoslovéňije Hospódne na vás, Tohó blahodáťiju i čelovikoľúbijem, vsehdá, nýňi i prísno, i
vo víki vikóv.
Lík: Amíň.

I načinájet šestopsálmije:
Sláva v výšnich Bóhu, i na zemlí mír, v čelovícich blahovoléňije, 3x.
Hóspodi, ustňí moí otverzéši, i ustá mojá vozvisťát chvalú Tvojú, 2x.

Psalóm 3
óspodi, čtó sja umnóžiša stužájuščiji mí? Mnózi vostajút na mjá, mnózi hlahóľut duší mojéj: ňísť
spaséňija jemú v Bózi jehó. Tý že, Hóspodi, Zastúpnik mój jesí, sláva mojá, i voznosjáj hlavú
mojú. Hlásom mojím ko Hóspodu vozzvách, i uslýša mjá ot horý svjatýja Svojejá. Áz usnúch i spách,
vostách, jáko Hospóď zastúpit mjá. Ne ubojúsja ot ťém ľudéj, ókrest napádajuščich na mjá. Voskresní,
Hóspodi, spasí mjá, Bóže mój, jáko Tý porazíl jesí vsjá vraždújuščyja mí vsúje: zúby hríšnikov sokrušíl
jesí. Hospódne jésť spaséňije, i na ľúdech Tvojích blahoslovéňije Tvojé.
Áz usnúch i spách, vostách, jáko Hospóď zastúpit mjá.

Psalóm 37
óspodi, da ne járostiju Tvojéju obličíši mené, nižé hňívom Tvojím nakážeši mené. Jáko stríly Tvojá
unzóša vo mňí, i utverdíl jesí na mňí rúku Tvojú. Ňísť isciléňija v plóti mojéj ot licá hňíva Tvojehó,
ňísť míra v kosťích mojích, ot licá hrích mojích. Jáko bezzakóňija mojá prevzydóša hlavú mojú, jáko
brémja ťážkoje oťahoťíša na mňí. Vozsmerďíša i sohňíša rány mojá ot licá bezúmija mojehó.
Postradách i sľakóchsja do koncá, vés déň sítuja choždách. Jáko ľádvija mojá napólnišasja poruháňij,
i ňísť isciléňija v plóti mojéj. Ozlóblen bých, i smiríchsja do zilá: rykách ot vozdycháňija sérdca mojehó.
Hóspodi, pred Tobóju vsé želáňije mojé, i vozdycháňije mojé ot Tebé ne utaísja. Sérdce mojé smjatésja,
ostávi mjá síla mojá, i svít óčiju mojéju, i tój ňísť so mnóju. Drúzi mojí i ískrenňiji mojí, prjámo mňí
priblížišasja i stáša. I blížňiji mojí otdaléče mené stáša, i nuždáchusja íščuščiji dúšu mojú, i íščuščiji
zlája mňí, hlahólachu sújetnaja, i ľstívnym vés deň poučáchusja. Áz že jáko hlúch ne slýšach, i jáko ňím



Vsenocne bdenie

PDF file: Vsenocne_bdenie.pdf



© 2020 PERPETUM
info@dragif.com

DraGIF.com - easy and effective way to share PDF on Facebook


language version:   language version: EN  jazyková verze: CZ


Příroda.czBejvavalo.czoriginální samolepky na stěnuplastikové modely